Тиз тозланган кыяр (рецепт)
Минзәләдә яшәүче Тәския Вәгыйзовадан кыярны тиз тозлау серләрен тәкъдим итәбез.
5-6 кыярны яхшылап юарга, буйга 4 кисәккә кисәргә кирәк. Бакчадагы яшел тәмләткечләрне (укроп, сарымсак мыеклары һ.б.) бик вак итми турарга, 1 аш кашыгы тоз, 2 чәй калагы шикәр комы, 1 аш кашыгы коры горчица салырга.
Барысын бергә яхшылап болгатырга да, пакетка салып суыткычка куярга. Берничә сәгатьтән тозлы кыяр белән сыйлана аласыз.
