Тинчурин театры артисты Зөлфия Вәлиева гомере буе нәрсәдән оялган?
Тамашачылар аның катнашындагы «Бер-бер хәл» киносын яратып караган.
Халык «Яңа Гасыр» каналында барган «Бер-бер хәл» киносын яратып карады. Анда Тинчурин театры артисты, «Зөләйлә» төркеме җырчысы Зөлфия Вәлиева Настя ролен уйнады.
«Кадерле дуслар, тамашачылар, бу җәйге фотолар «Бер-бер хәл»не төшергәндә ясалган иде. Җәй, эссе, рәхәт иде.
Май аенда башлап, көн саен диярлек сентябрь ахырына кадәр сериал төшерелде. Көчле, чын профессионаллар тырышлыгы белән, мин кадр артындагы кешеләр турында да әйтәм. Үзем гомерем буе мактау сүзләрен ишеткәндә оялам, уңайсызланам, качам, тиз генә үткәреп, онытырга тырыша идем…
Ләкин бу юлы, нәкъ менә шушы мизгелләрдә, мин сезнең бихисап күп язып җибәргән мактау сүзләрегезгә ләззәтләнеп йөрисем килә, теләкләрегезгә баш иеп, чын күңелемнән олы рәхмәтемне белдерәсем килә.
Илһамланып, хисләнеп йөргән чакларым, яратам һәм алга таба сәнгатьтә тугры хезмәткә әзер Зөлфиягез», — дип язган артист.
Инстачылар да бу фильмны яратып караулары турында язган, үз фикерләрен калдырган.