Тинчурин театры артисты Айсылу Мөсәлләмова кияүгә чыкты
Театр «искиткеч яңалык» белән уртаклашты.
Кәрим Тинчурин исемендәге театр «бүген бездә искиткеч яңалык», — дип инстаграмда хәбәр итте.
Театр артисты Айсылу Мөсәлләмова гаилә корган.
«Айсылуны һәм тормыш иптәшен чын күңелдән яңа тормышка аяк басулары белән тәбрик итәбез. Бүгенге көнегез гүзәл, киләчәгегез тагын да гүзәлерәк, йөзегез кояштай нурлы, бәхет касәгез тулы, тормышыгыз матур җырларга тиң булсын. Йөргән юлларыгызны бәхет кояшы, сөю йолдызы яктыртсын, һәр туар таңнар иртәсе сезгә бәхет, шатлык алып килсен, йөрәгегездә мәхәббәт ялкыны мәңге сүнмәсен һәм сүрелмәсен», — диелә хәбәрдә.
