Тинчурин театры артисткасы Гүзәл Галиуллина беренче тапкыр әни булды
Гүзәл белән Ильясның кызы туды.
Кәрим Тинчурин театры коллективы сөенечле хәбәр белән уртаклашты.
«Кәрим Тинчурин исемендәге Татар дәүләт драма һәм комедия театры артисткасы Гүзәл Галиуллина һәм аның тормыш иптәше — Ильяс Гаффаров беренче тапкыр әти һәм әни булдылар. Аларның кызлары туды! Котлыйбыз!
Кадерле Гүзәл һәм Ильяс, театрыбыз коллективы, барлык тамашачылар исеменнән сезне әлеге шатлыклы вакыйга белән чын күңелдән котлыйбыз! Сабыегыз сау-сәламәт, игелекле, акыллы, бәхетле булып үссен! Сезгә гаилә иминлеге, исәнлек-саулык телибез», диелә бу хәбәрдә.
