TikTok челтәрендә Түбән Камадагы гаҗәеп тукталышлар турында клип таралды
Түбән Камага кунакка килгән кеше шәһәрнең тукталышларын ошаткан.
TikTok челтәрендә @leushin1972 никлы кулланучы Түбән Кама шәһәрен тукталышларына багышлап клип урнаштырган. Бу турыда НТР 24 каналы хәбәр итте.
Видеода пыяла павильон сурәтләнгән, анда телевизор, USB-розетка, чүпне аерып җыю өчен савытлар бар. Ролик авторы эчтә утыру да уңайлы дип әйтә.
Ролик авторы автобусны көтеп җиткерә алмаган булса кирәк. Ул шул рәвешле транспорт проблемасын күрсәтмәкче булгандыр. Бу проблеманы 2021 елның кварталында хәл итәргә җыеналар. Шәһәр мэры Айдар Метшин йомгаклау матбугат чарасында шул хакта сөйләгән.
Челтәр кулланучылар мондый павильоннарның бик үк җылы булмавын әйтә, алар шәһәрдә бик аз булуын да язалар. Тукталышларның күбесе иске һәм җилдән дә сакламый, диләр.
