Тикшерү комитеты Ставропольеда полиция полковнигының «алтын сарае»ннан видео күрсәтте
Ришвәт өчен тоткарланган ЮХИДИ башлыгының өендә унитазлар да алтын белән ясалган.
Россия Тикшерү комитетының Төньяк-Кавказ федераль округы буенча Тикшерү идарәсе Ставрополье крае буенча Эчке эшләре министрлыгының ЮХИДИ идарәсе башлыгы, полиция полковнигы Алексей Сафонов җитәкчелегендәге оештырылган төркем аеруча зур күләмдә ришвәт алу факты буенча җинаять эше ачты. Бу турыда ведомство сайтында хәбәр ителә.
Тикшерүчеләр төшергән оператив видео ведомствоның рәсми сәхифәсендә урнаштырылды. Кадрларда зур өй, аның эчендә зиннәтле җиһазлар, алтын ванна һәм унитазлар сурәтләнгән.
Тикшерү ачыклаганча, оештырылган төркемдә катнашулар край территориясендә ашлык һәм инерт йөкләр ташу өчен ялган пропусклар ясаган, шуны тарату өчен акча алганнар. Моның өчен аларга гомуми суммасы 19 миллионнан сумнан артык булган ришвәт биргәннәр.
Алексей Сафонов һәм ул җитәкли торган төркемдәге алты кеше тоткарланган, диелә хәбәрдә.