Тикшерү комитеты Минзәләдә тәҗрибәле парашютчыларның ничек үлгәнен әйтте
Кичә Минзәлә аэроклубында шөгыльләнүче ике парашютчы самолеттан сикергәндә һәлак булды.
Россия Тикшерү комитеты 34 һәм 48 яшьлек тәҗрибәле ике спортчының һәлак булуына ачыклык кертте.
Җиде спортчы дүрт йөз метр биеклектән мең дә алты йөз метрга кадәр “ирекле төшү” ысулы белән күнекмә ясаган.
Җиргә төшәр вакыт җиткәч, алар парашютларын ача башлаган. Шул чакта спортчыларның берсе икенчесенең ачылган парашютына бәрелгән. Бу мизгелдә алар икесе дә аңын югалткан. Аларны җиргә запас парашют алып төшкән.
Парашютчыларның берсе каты имгәнгән, ул “ашыгыч ярдәм” машинасында үлгән. Икенче спортчы хастаханәдә реанимация бүлегендә җан биргән.
Мәрхүм спортчылар моңа кадәр чама белән 600 тапкыр парашют белән сикергән булган.