"Тиеннәргә генә дә ашап була". Дәүләт Думасы ашханәсендә нинди бәяләр - исемлек
Росгвардия җитәкчесенең киңәшчесе, озак еллар Дума депутаты булган Александр Хинштейн Дәүләт Думасындагы бәяләр хакында язган. Менюны фотога төшереп, Twitter аккаунтына куйган.
Александр Хинштейн "Дәүләт Думасында төшке ашлар "тиеннәр генә тора" дигән сүзләрнең уйдырма икәнлеген белдерергә теләве хакында әйтә. Ул ике блюдо һәм эчемлек өчен 253 сум түләве турында яза.
Дәүләт Думасы ашханәсендәге кайбер бәяләр - винегрет 39 сум, помидор саалаты 39 сум, борщ - 88 сум, пылау - 171 сум, йөземле эремчек 720 сум, пешерелгән бәрәңге гарниры - 44 сум, кесәл - 39 сум, ипи - өч сум, чәй - 11 сум.
"Мин бәяләрне кыйммәт димәс идем, әмма ашханә өчен арзан да түгел. 20 сумга ашап чыгып була дигән сүзлр ишетү, җиңел генә итеп әйткәндә, мине гаҗәпләндерә", - дигән Хинштейн бишенче каналга интервьюда.
