"Ти-тә-ти-тә! Алай неправильно!" Хәмдүнә Тимергалиева танылган гармунчыны сүгеп аткан - видео
Җырчы Ландыш Нигъмәтҗанова кызыклы видеоны инстаграмдагы сәхифәсенә куйды.
Чиләбе өлкәсендә төшергән видео кадрларында Татарстанның халык артисты Хәмдүнә Тимергалиева "Галигә барам әле" җырын җырлап күрсәтә. Кадрда танылган гармунчы Ринат Вәлиев күренә. Ул Хәмдүнә апаны уйнап җырлатмакчы була.
Танылган җырчы танылган гармунчының уйнаганын ошатмый. "Ти-тә-ти-тә! Алай неправильно" дип ачуланып та куя. Ринат Вәлиев исә "оныттым" дип аклана. Хәмдүнә апа аның каршысында дәртле иттереп кулларын болгый.
Гармунчы җаен тапкач, Хәмдүнә апа җырның бер күплетын җырлап та бирә. Җырлаганда да кисәтүләр ясый.
Инстачылар 300 гә якын комментарий язган. Алар Хәмдүнә апага соклана. "Уйный белмәсәң, өйрәтә бу", диләр. Артта басып торган ир-ат "шок" хәлендә калган дип шаярталар.