Әти кеше балалар бакчасыннан чит кешенең кызын бутап алып кайтып киткән
Әти кеше балалар бакчасыннан чит кешенең кызын бутап алып кайтып киткән
Коминың Усть-Вымский районында әти кеше балалар бакчасыннан чит кешенең кызын алып кайтып киткән, дип яза "Российская газета". Хәзер полиция бу эшне тикшерә.
Бакча мөдире полициягә "бер ир башка кешенең кызын алып чыгып китте" дип хәбәр иткән.
Полиция бакчага килгәндә, бу ир инде хатасын төзәткән булган: ул ялгышын аңлап, чит кешенең кызын бакчага китереп, үзенекен алган. Ир үз кызын башка бала белән бутавы хакында әйткән.
Социаль челтәрләрдә бу ирдән мыскыл итеп көләләр һәм "ел әтисе" дип атыйлар. Полиция балаларны бутап җибәрүгә юл куйган бакча хакимиятен тикшерә.
