Җыр-моңга гашыйк Резидә һәм Фирдүс Тямаевлар гаиләсендә үсеп килүче кечкенә кызчык – Мәрьямгә ике яшь тулган. Уллары Кәрим һәм Раян белән Фирдүс Тямаевның язылучылары күптән таныш. Ә менә Мәрьямне җырчы күрсәтмәде диярлек. Бу юлы Фирдүс искәрмә ясарга булган. «Фото-видеосын бер дә куйган юк. «Тьфу» дип карагыз. Бүген кызым Мәрьямнең туган көне», – дип язып, җырчы сабый белән матур видео урнаштырды.
Мәрьямнең исә артистлар гаиләсендә үсүе күренеп тора. Торт алып чыкканда үзенә атап башкарылган «Туган көн» җырына боргала-боргалана бии, куллары белән матур хәрәкәтләр ясый.
Җырчының язылучылары да Мәрьямне бик яратып караганнар. «Әнисенең копиясе булган. Аллаһы Тәгалә үзенә ак бәхетләр бирсен», «Күзләр тимәсен. Әти-әни канаты астында, бәхете белән үссен», – дип язалар.