«Тест бирергә барырлык та хәл юк» - Айдар Тимербаев авырый
Айдар Тимербаев үзенең авырып китүе турында инстаграмда хәбәр иткән.
Автор-башкаручы, композитор Айдар Тимербаев авырып киткән.
«Температура 38. Кыйнап ташлаган шикелле, гәүдә авырта. Тест бирергә барырга да хәлем юк. Исән-сау гына терелергә язсын! Үзегезне саклагыз», — дип язган ул инстаграм сәхифәсенә.
Инстаграм дуслары Айдар Тимербаевка карлыган һәм лимон белән җылымса чәй эчәргә киңәш иткән. «Аллаһы Тәгалә ярдәменнән ташламасын, шифаларын бирсен. Узгынчы авырулар булсын», «Тестны хастаханәдән өйгә килеп алалар, барып йөри күрмәгез», — дип язганнар.