Телеграм канал Иркәнең машина тәрәзәсе ватуларын пиар алым дип яза
Моңа кадәр, хуҗасыз тартма табылу сәбәпле, Иркәнең концерты да өзелгән иде.
«Татарча җырлар» телеграм каналы Иркә белән булган вакыйгалар пиар-алым дип яза.
Кичә Элвин Грей Иркәнең машина тәрәзәсен ватканнар дип язды.
«Элвин Грей «Барс Медиа» һәм анда бүгенге көндә җитәкчелек иткән кешеләрне яклый, ә «Барс» компаниясе шулай ук аның ашына аш белән җавап бирәләр, бүген нинди генә матур, мактау сүзләре әйтмәделәр аның турында, радиодан.
Кичә «Иркәнең машина тәрәзәләрен ватып киткәннәр», дип видеоны да ул үзенең инстаграмына урнаштырган булган, ә Иркә түгел.
Иркәнең машина тәрәзәсен вату кемгә кирәк? Хәзер артистларыбыз шулай бер-берсенен машиналарын җимереп йөрерләр мени?! Юк, әлбәттә. Бу бары тик Иркә өчен генә файдалы!!! Русчалатып әйтсәк, на жалость давить итә ул. Бу алымны без рус эстрадасыннан килгәнен бик яхшы беләбез, аларда бит шундый берәр «зашквар» булса, йә квартираларын басалар, йә машиналарын җимерәләр, йә каты авырып китеп хастәханәгә яталар», — дип яза «Татарча җырлар».
Хуҗасыз тартма табылу сәбәпле, Иркәнең концерты да өзелгән иде.
Иркә үзен гаепләп чыгыш ясаучыларга әлегә кадәр җавап бирмәде, «бәхет телим» дию белән генә чикләнде.