Телефоннан сөйләшкәндә кайтаваз ишетелсә, сезне чит кеше тыңлап тора дигән сүзме?
«Тыңлап торалар» дигән сүз — туксанынчы еллардан калган курку, ди белгеч.
![Телефоннан сөйләшкәндә кайтаваз ишетелсә, сезне чит кеше тыңлап тора дигән сүзме?](https://intertat.tatar/resize/shd/images/uploads/news/2020/10/8/0caef19a44eb980e12234d7b959598ef2931115eea1c2c4af15cb84b1e72.jpg)
Телефоннан сөйләшкән вакытта кайсыбер очракта кайтаваз ишетелгән кебек була. Ул гибрид һәм аккустик төрләргә бүленә. Әлеге кайтаваз сезнең сөйләшкәнне чит кешеләр тыңлап тора дигән сүз түгел. Бу турыда «Прайм» агентлыгына Челтәр чишелешләре үзәге проектлары бүлеге җитәкчесе Сергей Данилов сөйләгән.
«Гибрид кайтаваз аналог челтәрләрдә тавыш тапшырганда проблемалар килеп чыгудан барлыкка килә. Андый вакытта шау-шуларны бетерә торган функция булмый яки VoIP-челтәрләрдә тавышны үзгәртү белән кыенлыклар барлыкка килә. Кайтаваз ишетелү линиядә брак яки тапшыру кабеле ватык булудан килеп чыга», — дип сөйләгән белгеч.
«Акустик кайтаваз күп очракта сезнең әңгәмәдәштәге проблема ул. Әгәр каршы як микрофонын кычкыртып сөйләшсә, яки тавышлы спикер аша аралашса, кайтаваз ишетелергә мөмкин», — ди белгеч.
Аның сүзләренчә, «тыңлап торалар» дигән сүз исә — туксанынчы еллардан калган курку. «30 ел элек бәлки шулай тыңлап торганнардыр, ләкин хәзер беркем дә алай эшләми. Телефоннан сөйләшкәнне тыңларга теләсәләр, моны сезгә белгертми генә дә башкарып була», — ди Данилов.