Телефоннан сөйләшкән егет аркасында Казанда берьюлы берничә машина бәрелешкән
Бу вакыйгада алты машина зыян күргән.
Шаһитлар Volkswagen Passat иномаркасын йөртүче телефоннан сөйләшә иде дип раслаган. Декабристлар урамы буйлап барганда, машина кырыйга чыгып киткән, каршы як полосага чыккан. Volkswagen каршыга килүче "Лада"га бәрелгән. "Лада" арттан килүче йөк машинасына бәрелгән. Бу вакытта авария китереп чыгарган Volkswagen Passat икенче Volkswagen машинасына бәрелгән.
"Татарстан24" телеканалы ачыклаганча, Volkswagen машинасында берничә егет булган. Аларның берсе дә зыян күрмәгән. "Лада" машинасын йөртүче шактый имгәнеп, аны хастанагә озатканнар.
Иномарка йөртүче егет гаебен яшереп тормаган. Телефонга игътибарын күчергәнен үзе әйткән.
Якынча мәгълүмат буенча, бу вакыйгада алты машина зыян күргән.
