Телефон суга төшсә, берничә киңәш ярдәм итә. Бу турыда «Челнинские известия» Роскачествога сылтама белән яза.
Суга төшкән телефонны сүтеп, яхшылап киптерегез. Су кипсә дә, андагы юшкын металл өлешләрдә кала инде. Ә ул электр үткәрү сәләтенә ия. Моны булдырмас өчен, тиз арада сервиска мөрәҗәгать итегез. Әгәр сервиска бара алмасагыз, берничә киңәш:
- Смартфонны судан алып, коры тукыма белән яхшылап сөртегез.
- Телефон эшләп торса, сүндерегез.
- Мөмкин булса, арткы панелен ачып, аккумуляторын алыгыз.
- СИМ-картаны һәм хәтер картасын алыгыз.
- Смартфонны сак кына селкегез – портлардан һәм оялардан су чыксын.
- Сервиска барып булмаса, смартфонны коры урынга 48 сәгатькә куеп торыгыз.
- Аннары телефонны кабызыгыз.
- Телефон эшли башласа, бөтен белешмәнең резерв копиясен ясагыз.
- Сервиска мөрәҗәгать итеп, эчке детальләрен тикшертегез.