Бүген Дагыстанда көн темасы – коеп яуган яңгырлар. Социаль челтәрләрдә сил акканы, көчле ташкыннарның күперләрне, ДПС постларын агызып алып киткәне төшерелгән әллә никадәр видео таралды. Бу хакта Baza «Телеграм» каналы яза.
Ләкин иң самими кадрлар – суга егылып төшкән нәни бозауны коткарулары.
Бозау кыядан егылып, тау елгасына төшкән, дип язалар. Аны коткарганнар, танауларын сөрткәннәр һәм мангал янында җылытканнар.
