«Татмедиа» Республика матбугат һәм массакүләм коммуникацияләр агентлыгы җитәкчесенең беренче урынбасары Эльвира Әхмәтованың җырына клип төшергәннәр.
«Уклы йөрәк» җырының көен Гүзәлия иҗат иткән. Аны Башкортстанның һәм Татарстанның халык артисты Айдар Галимов белән Лэйна дуэт итеп башкара. Клип укучы кыз белән укытучы абый мәхәббәте турында.
Эльвира Әхмәтова – бик күп җыр сүзләре авторы. Аларны Гүзәл Уразова, Ришат Төхвәтуллин, Гөлназ – Илсур Шәрипҗановлар, Зәйнәп Фәрхетдинова, ИлСаф, Гүзәлия, Гөлназ Асаева, Әнвәр Нургалиев, Идел Нургалин, «Дустар» төркеме һәм башкалар үз репертуарына алган. Гүзәл Уразова башкаруындагы «Кунак кына җирдә» һәм Ришат Төхвәтуллинның «Сула» җырлары исә замана хитларына әверелде.
