Тәтештә йоклап яткан дус кызын эчке киемнән видеога төшереп тараткан хатын хөкем ителгән

Татарстанның Тәтеш районында яшәүче хатын дус кызы сурәтләнгән интим видео тараткан өчен хөкем ителгән. Суд аңа штраф салган. Бу турыда «Татарстан 24» каналы хәбәр итте.

Биредә яшәүче хатын-кыз исерек була. Ул йоклап яткан дус кызын эчке киемнән генә видеога төшерә. Аннары кадрларны популяр мессенджерда тарата.

Ул әлеге гамәлләренә ачык кына аңлатма да бирә алмый, аның мотивы да билгесез.

Тәтеш хатынын җаваплылыкка тартканнар. Ул гаебен өлешчә генә таный. Суд аңа 30 мең сум штраф сала.

Әлеге суд карары бар кешегә дә конфиденциальлек һәм шәхси тормышның кагылгысызлыгын бозуның җитдилеге турында кисәтә, диелә хәбәрдә.