Татарстанның халык артисткасы Гөлзадә Сафиуллинаны 80 яшьлек юбилее белән котладылар
Бөтендөнья татар конгрессының конференцияләр залында күренекле җырчы, милли моңыбызны дөнья күләмендә таныткан Татарстанның халык артисткасы Гөлзадә Сафиуллинаның 80 яшьлек юбилее белән котлаганнар. Бу турыда конгресс хәбәр итте.
Истәлекле очрашуга юбилярның иҗатташ дуслары, мәдәният эшлеклеләре һәм конгресс җитәкчелеге җыелды. Легендар җырчыга татар мәдәниятен, милли җыр сәнгатен һәм рухи кыйммәтләрен саклауга керткән зур өлеше өчен тирән рәхмәт белдерделәр, сәламәтлек һәм яңа иҗади уңышлар теләделәр, чәчәк бәйләме һәм мамык шәле бүләк иттеләр, диелә хәбәрдә.