«Татарстан 24» каналы хәбәр иткәнчә, Питрәч районында термометрның –43° градус күрсәткәнен видеога төшереп алганнар. Автор «көн җылытты» дип шаярта.
Татарстан шәһәрләрендә ялларга планлаштырылган бәйрәм чаралары башка көнгә күчерелә. Көннәр салкын торган очракта, каникуллардан соң укулар да булмаска мөмкин.
Телеканал хәбәр итүенчә, Казанда кайбер йортларда температура –15˚ градус күрсәтә икән. Шулай ук сукбайлар да каза күрә, дип хәбәр итә телеканал.
Бүген төнлә температура –35˚ градуска кадәр төшәргә мөмкин. Иртән дә –35˚ка кадәр салкын булачак, ди синоптиклар.
