«Озын тәнәфес» Бөтенроссия бәйгесенең икенче сезонында җиңгән Татарстан кызлары «Ледокол открытий» мәгърифәти экспедициясе кысаларында Төньяк полюска сәяхәткә бара. Бу турыда Татарстан Яшьләр эшләре министрлыгы хәбәр итте.
Чаллының Пушкин исемендәге 78 нче лицеенда укучы Камилә Юнысова һәм Казанның 121 лицей укучысы Камилә Якупова 19 июльдә сәяхәткә чыгып китәчәк. Алар белем бирү программасында катнаша, Арктиканы өйрәнүчеләр белән таныша, төньяк төбәк табигатен карый, диелә хәбәрдә.
«Ледокол открытий» мәгърифәти экспедициясендә өлкән сыйныфта укучы 70 укучы катнаша. Алар Мурманск шәһәреннән китә, Баренц диңгезе аша Төньяк Боз океанына чыга, аннары Франц Иосиф җиренә таба баралар.