Чүпрәледә берәү элекке хатынын бәйләп урманга алып киткән, кабат никахлашуын таләп иткән

Чүпрәле районында суд 51 яшьлек ир-атка элеккеге хатынын үтерү белән янаган өчен хөкем карары чыгарган. Бу хакта ТР прокуратурасы матбугат хезмәте хәбәр итә.

Узган елның сентябрендә исерек ир-ат элеккеге хатынының кулларын бәйләгән, аны автомобильгә утырткан, ишекләрен бикләгән һәм яңа Чүкәле авылы артындагы кешесез урынга алып чыккан. Элеккеге хатынының җепләрне чишүен күреп, ир-ат аның муенына бау салган, үтерү һәм көч куллану белән янап, тәненә һәм битенә берничә тапкыр суккан.

Элеккеге хатыны аның белән яңадан никахлашырга ризалык биргәч кенә, ир аны өенә кайтарып куйган.

Суд аңа 480 сәгать мәҗбүри эш рәвешендә җәза билгеләгән. Хөкем карары әле законлы көченә кермәгән.

Комментарийлар (2)

31 март 2025

Исемсез

Бу исемсез кешенең комментариясенә шаккатырсың!? Дөнья тулган ялкау, исерек ирләр белән! Күпме ялгыз ирләр, егетләр йөри каңгырып! Аларга кияүгә чыгучы юк, ялкау ир кемгә кирәк?! Хәзер уңган- булган хатын-кыз үзе эшләп ашый, рәхәтләнеп рәхәттә яши. Торыр җире, йөрергә машинасы, эшләргә эше бар. Ирләрнең дә уңганнары өйләнеп яши. Ирләр аз түгел, ирләр слишком күп дөньяда, ялкаулары ялгыз!
29 март 2025

Исемсез

Мондый җүләрләрне язып маташмасагыз да була. Чиләгенә күрә капкачы инде. Күрмәгәндәй 18 яшеннән иргә чыгалар да, аннан сайлана башлыйлар, теге ир ничек микән, бу ир ничек микән? Аннан ир-атка җәза чаралары билгеләнә. Болай да илдә ирләргә кытлык. Ир-ат белән этнең оңгаена торсаң, өрми дә, тешләми дә ул. Урманга да алып китми.