Татарстандагы мәктәпләрнең берсендә эшләгән укытучыны 14 яшьлек үсмергә карата азгынлык кылуда гаеплиләр
Татарстан буенча Тикшерү комитеты сайтында бу ир-атның фотосурәте чыкты.
Казанда элек укытучы булып эшләгән ир-атны 14 яшьлек малайга карата азгын гамәлләр кылуда гаеплиләр. Аңа карата "азгын гамәлләр кылу" маддәсе буенча җинаять эше ачылган. Бу турыда Татарстан буенча Тикшерү комитеты матбугат хезмәте хәбәр итте. 23 майда кичке якта Салмачы бистәсе аша 90нчы маршрут автобусында барганда, 44 яшьлек ир-ат 14 яшьлек яшүсмергә карата азгын гамәлләр кылган. Баланың сурәтләве буенча фоторобот ясаганнар. Шуннан соң аны табып, кулга алганнар. Бу кеше гаебен танымаган һәм психофизиологик тикшеренү узудан баш тарткан. Элек бу ир-ат Казан мәктәпләренең берсендә укытучы булып эшләгән. Хәзерге вакытта Татарстанның Тикшерү комитеты экс-педагогны ң башка корбаннарын эзли.