видеодан скриншот
Чаллыдагы бер кибеткә килгән ике кыз кассир хатын белән сугышкан. Кызларны «хәмер урлаганнар» дип шикләнгәннәр һәм туктатканнар. Бу турыда «Татарстан 24» каналы хәбәр итте.
Әлеге вакыйга сурәтләнгән кадрлар социаль челтәрләрдә таралды.
Кибет хезмәткәрләре сүзләренчә, ике яшь кыз кибеттән хәмер урлаган, дип шикләнгәннәр, аларны туктатып сораштырмакчы булганнар. Ләкин кызлар бик агрессив булып чыккан, алар кисәтү ясаган сатучының чәченә ябышканнар. Шуннан соң алар сәүдә залында идәндә ятып әүмәкләшә башлаган.
Хәзер әлеге эшне хокук саклаучылар тикшерә, диелә хәбәрдә.