Татарстанда юл һәлакәтеннән соң, машиналар төрле якка чәчелгән
Яр Чаллы-Зәй юлының икенче километрында бүген иртәнге якта зур юл һәлакәте булган.
Бәрелешкәннән соң, машиналар төрле якка чәчелгән, дип хәбәр иткән “Татар-информ” агентлыгына Гадәттән тыш хәлләр министрлыгы матбугат хезмәте.
Әлегә билгесез сәбәпләр аркасында, 65 яшьлек машина йөртүче “Газеле” белән җиңел машинага бәрелгән. 24 яшьлек егет утырган “ундүртле”дә олы яшьтәге ханым утыра торган булган.
Бәрелешкәч, машиналар төрле якка чәчелгән. “Газель”нең тәгәрмәче очып чыккан, фарасы ватылган. Җиңел машинаның алдагы тәрәзәсе, капоты, бамперы, фаралары ватылып беткән.
Җиңел машинадагылар имгәнеп, хастахәнәгә озатылган. Бәхеткә каршы, үлүчеләр юк.