Татарстанда югалган егетне бөтен шәһәр халкы эзләшә

"След" эзләү отряды мәгълүматы буенча, Радик 27 июльдә көндезге икеләр тирәсендә Түбән Камадагы Шинниклар урамы 81 йорттан чыгып киткән. Шуннан соң аны беркем дә күрмәгән. Түбәкамалылар югалган егетне эзләргә җыела, дип НТР 24 телеканалы хәбәр итте.

Бу егет икенче төркем инвалид. Чандыр гына гәүдәле, буе 160 см, чәчләре караңгырак төстә.

Югалган егет шәмәхә төсле футболка, хаки төсендәге шорты, зәңгәр шлепанцы кигән.

Эзләшүчеләр "След" отрядының ВКонтактедагы төркемендә җыела.