Бүген, 29 сентябрьдә, Татарстанда антициклон йогынтысында урнашкан җылы һәм коры һава торышы сакланачак, әмма температура фоны бераз түбәнәя. Бу хакта ТР Гидрометеорология үзәге хәбәр итә.
Республикада, элеккечә, үзгәрүчән болытлы һава торышы көтелә. Явым-төшем фаразланмый.
Җил көнчыгыштан һәм көньяк-көнчыгыштан исүен дәвам итәчәк, аның тизлеге үзгәрешсез калып, секундына 3–8 метр тәшкил итә.
Салкынча төннән соң (һава температурасы +1..+6 градус, төбәкнең көнбатышында +12 градуска кадәр) көндез Татарстанда һава +17..+22 градуска кадәр җылына. Казанда термометр баганалары +19..+21 градуска кадәр күтәреләчәк, диелә хәбәрдә.