Татарстанда яшь хатын корсагын пычак белән тишкән
36 яшьлек хатынны узган төндә хастаханәгә китергәннәр.
Алабуга үзәк район хастаханәсенә китерелгән хатынның корсагында пычак белән кадалган яра булган.
Табиблар корсак стенасы тишелгән дип диагноз куйган. Хатынга операция ясаганнар, хәзер ул реанимациядә ята.
«Новая Кама» газетасы полициягә сылтама белән хәбәр иткәнчә, хатын үзенә-үзе пычак белән кадаган.
Алабугада яшәүче бу хатынны полиция хезмәткәрләре сораштыргач, вакыйганың үзенчәлекләре ачыкланыр дип көтелә.