Менделеевск шәһәрендә 54 яшьлек хатын-кызның эчендә шеш үсүен быел ачыклыйлар. Гинеколог караган чакта, аның корсагы бик зур булуын абайлап ала. Корсак куышлыгындагы шеш бик тиз үсә, эчке органнарга баса башлый. Бу турыда Чаллының Сәламәтлек саклау идарәсенә сылтама белән «Татар-информ» яза.
Авыру хатынны Чаллы онкодиспансерына җибәрәләр. Биредә аның эченнән 10 кг авырлыктагы шешне алалар.
Хатын үзе сөйләгәнчә, ул «бик тазарам» дип уйлаган. Моңа кадәр аның аналыгыннан тавык йомыркасы зурлыгындагы миоманы алган булганнар.
Хәзер аны өенә кайтарып җибәргәннәр, диелә хәбәрдә.