Татарстан буенча Эчке эшләр министрлыгында хәбәр итүләренчә, Чистайда яшәүче 63 яшьлек хатын-кыз мессенджерда инвестицияләр турындагы рекламаны күргән һәм шуның белән кызыксынган. Ул анкета тутырган һәм элемтә өчен үзенең мәгълүматларын калдырган. Озакламый аңа ялган белгеч шалтыраткан һәм үзе күрсәткән счетларга акча күчерергә күндергән.
Хатын-кыз мошенникларга барлыгы якынча 950 мең сум акча күчергән. Әмма акчасын кире чыгарырга тырышкач, моның мөмкин түгеллеге ачыкланган. Әлеге факт буенча җинаять эше кузгатылган. Мошенникларны эзлиләр.