Чаллыда туган Вероника Лазарева «За гранью» (16+) тапшыруында кунакта булган. Биредә аның хыялын чынга ашырганнар: кыз Дмитрий Колдун белән «Дай мне силы» җырын җырлаган. Бу турыда «Челнинские известия» яза.
Вероника туганда ук кулсыз һәм аяксыз була, ләкин ул дүрт стена арасында бикләнми. Хәзер ул Казанда яши, иҗат белән шөгыльләнә: музыка яза, җырлый, синтезаторда уйный. Вероника бала чагында ук музыка укытучысы белән шөгыльләнә, уен коралын үзләштерә. Хәзер ул Казанда һәм Мәскәүдә концертларда актив катнаша, диелә хәбәрдә.