Чаллының 5 нче номерлы шәһәр хастаханәсе табиблары 50 яшьлек ир-атның күзенең мөгез катлавын тегеп куйган. Борау атылып чыккан һәм бу ир-атның күзенә кергән булган. Бу турыда Чаллының Сәламәтлек саклау идарәсенең матбугат хезмәтенә сылтама белән «Татар-информ» хәбәр итте.
Ир-ат бакчада ремонт ясый, дрель белән эшли, ул күзләренә саклагыч кими. Эшләп торган борау сына һәм ир-атның күзенә керә. Аның мөгез катлавына зыян килә. Бәхеткә, борау күз эченә үк кереп китми, дип сөйли табиблар.
Пациентка компьютер томографиясе ясаганнар, ул күз эчендә чит предметлар булмавын күрсәткән. Шуннан соң офтальмологлар мөгез катламын тегеп куйган, унлап җөй ясаганнар.
Бу ир-ат элеккеге кебек яхшы күрә алмаячак. Киләчәктә ул сәламәтлегенә игътибарлырак булыр, ди табиб.
