Элек Чаллыда яшәгән, хәзер Казанда яшәүче 26 яшьлек Вероника Лазарева мюзиклда катнаша. Бу хакта «Челнинские известия» газетасы яза.
«Мин беренче тапкыр мюзиклда катнашам. Әлбәттә, минем «коясаклардан» башка булмый инде...» – дип язган ул үз аккаунтында.
Вероника тыңлауларны узган һәм үз тавышы өчен язылган җырларны башкара. Мюзиклда бик күп яшь артистлар катнаша. Әлегә музыкаль куелышның кайчан чыгачагы билгеле түгел.
Верониканы «Татарстан Ник Вуйчичы» дип атыйлар: аның очлыклары үсешендә – тумыштан ук килгән аномалия. Вероника Чаллыда туган, бала вакытыннан ук картиналар ясый, синтезаторда уйный, музыка яза. Ул үз алдына гади максат куйган: үзенчәлекле кешеләр дөньясын ачу, үз-үзеңә, хыялыңа ышансаң һәм оялчанлыкны җиңсәң, бар нәрсәгә ирешеп булганын күрсәтү.
Федераль каналдагы «Песни от все души» тапшыруында «Оставайся такой, какая есть» җырын башкарды һәм «Титаник» фильмыннан «Мое сердце продолжает биться» көен уйнады.