Татарстанда берничә яшь пар туй көнендә сайлау участокларына килеп, тавыш биргән. Бу хакта ТР Үзәк сайлау комиссиясе хәбәр итә.
Яшь парлар арасында Александр һәм Екатерина Левагиннар, Айнур Галимуллин һәм Динара Нәбиева, Марат Гафиятов һәм Илгизә Шәйхетдинова, Александр Муравьев һәм Гөлнара Кәримова, Андрей һәм Анжелика Сурнин бар.
ТР Үзәк сайлау комиссиясендә яшь гаиләләргә мәхәббәт, үзара хөрмәт, гаилә җылысы һәм бәхет теләделәр.
Бүген Татарстанда Россия Дәүләт Думасы депутатларын сайлауда тавыш бирүнең икенче көне уза. Сайлау участоклары 08:00 сәгатьтән 20:00 сәгатькә кадәр ачык.