Кичә Түбән Кама шәһәренең Химиклар проспектында күпфатирлы йортларның берсендә янгын чыккан. Янгынны сүндерү вакытында коткаручылар ике өлкән кешенең мәетен тапкан. Бу хакта Татарстан прокуратурасы матбугат хезмәте хәбәр итте.
Якынча мәгълүматлар буенча, янгын ут белән саксыз эш итү сәбәпле чыккан булырга мөмкин. Янгын чыганагы фатирның йокы бүлмәсендә булган.
Фаҗига урынына шәһәр прокуроры Илнур Гаянов килгән. Тикшерү бара, дип яза «Татар-информ».