Татарстанда йөкле хатын хастаханәгә барып җитә алмаган
37 яшьлек хатын иртәнге өч тирәсендә өйдә бала тапкан.
Чаллы шәһәрендә гадәттән тыш вакыйга булган. Йөкле хатын баласын өендә тапкан. Бу турыда "Челнинские известия" хәбәр итте.
Яңа шәһәрдәге йортларның берсендә иртәнге өчләр тирәсендә нәни кыз бала дөньяга килгән. Тиз арада "ашыгыч ярдәм" чакырганнар. Табиблар бала белән ананы хастаханәгә алып киткән.
37 яшьлек хатын өченче кызын тапкан. Сабый сау-сәламәт булып дөньяга килгән. Әни һәм балага документларны хастаханәдә тутырачаклар, диелгән әлеге хәбәрдә.
