Татарстанда вентилятордан чыккан ут аркасында фатир янган, песи үлгән
Гомеремдә иң куркыныч төн булды, дип яза хуҗабикә.
Чаллының 43 нче комплексында яшәүче Анна Мардус битараф булмаганга кешеләрдән ярдәм сорап мөрәҗәгать итте. Аның фатиры янып беткән. Бу турыда «Челнинские известия» хәбәр итте.
«Бүген төнлә минем фатирым янды. Вентиляторда кыска ялганыш булды, шуннан янгын чыкты. Мин башка бүлмәдә йокыга киткән идем, мин уянганда фатирны кара төтен баскан. Мин көч-хәл белән генә фатирдан чыктым. Минем Тосик исемле песием янып үлде. Аны коткара алмадылар. Минем әйберләрем янды, минем гаиләмнең әйберләре янды. Бу минем гомеремдә иң куркыныч төн булды. Матди ярдәм итсәгез иде», — дип яза Анна.
Анна төшергән видеода тулысынча янып беткән бүлмә сурәтләнгән, анда вентилятор торган. Бөтен фатирны корым баскан, төтен исе сеңеп беткән.
