Татарстанда уртача хезмәт хакы күпмегә арткан?
Статистлар реаль хезмәт хакы арткан дип исәпләп чыгарган.
Быелның гыйнварыннан июньгә кадәр Татарстан предприятиеләрендә эшләүчеләрнең уртача хезмәт хакы 33,9 мең сум булган. Бу турыда Татарстанстат оешмасы хәбәр итә.
Беренче яртыеллыкта уртача хезмәт хакы узган елда шушы чор белән чагыштырганда 8,2 процентка арткан. Статистлар быелның гыйнвар-июнь аенда товарлар һәм хезмәт күрсәтүләр бәясе индексын исәпкә алып, реаль хезмәт хакын исәпләгән. Бу сан, узган елның шушы чоры белән чагыштырганда, 106 процентка җиткән.
***Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110. Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.