Кышның беренче көнендә Татарстанда алмашынучан болытлы һава торышы һәм бераз явым-төшем көтелә. Республиканың Гидрометеорология үзәге мәгълүматларына караганда, 1 декабрьдә республикада җепшек кар һәм яңгыр яву ихтимал. Кайбер районнарда томан төшәргә мөмкин, дип яза «Татар-информ».
Республикада секундына 2-7 метр тизлектә исүче үзгәрүчән юнәлешле җиңелчә җил фаразлана. Һава температурасы 0..+5 градус була.
Моннан тыш, иртән юлларда урыны белән бозлавык булу ихтимал.
