Татарстанда тикшерү бүлеге бинасыннан 14,6 миллион сум салынган сейфны урлаганнар
Әлеге акчалар җинаять эше буенча дәлил булган.
Татарстанда Тикшерү идарәсе бүлеге бинасыннан акча урлау факты буенча җинаять эше ачылган. Бу турыда Россия Тикшерү комитетының Татарстан буенча Тикшерү идарәсе сайтында язылган.
Тикшерү белешмәсе буенча, Казанда билгесез кешеләр Тикшерү комитетының Татарстан буенча идарәсенең бер бүлеге бинасына керә. Алар 14,6 миллион сумнан артык акча салынган сейфны урлый. Бу акча җинаять эше буенча дәлил була.
«Аеруча зур күләмдә урлау» буенча җинаять эше ачылган.
Тикшерү барышын ведомствоның үзәк аппараты контрольгә алган.