Татарстанда терлекләрдә бруцеллез авыруы ачыклангач, ферма хуҗасына штраф салганнар
Татарстанның Балтач районында прокуратура кәҗәләр һәм сарыклар асрый торган ферманы тикшергән һәм терлекләрнең бруцеллез белән авыруы ачыкланган. Бу хакта «Татар-информ» яза.
Татарстан прокуратурасы хәбәр иткәнчә, фермада малларны документсыз асраганнар. Карантин кертелгәннән соң, хуҗа кеше авыру кәҗә һәм сарыкларның биркаларын салдырган, ә 39 мал юкка чыккан.
Тикшерү нәтиҗәсендә, фермада карантин керткәннәр. Хуҗага ветеринария кагыйдәләрен бозган өчен штраф салганнар. Прокуратура бу хокук бозуларны төзәтүне таләп итә.