Чаллыда танылган архитектор Наил Шаһиев вафат булган. Бу турыда «Татарстан 24» каналы хәбәр итте.
Төзелеш өлкәсендә билгеле җитәкче, «Энергогражданпроект» башлыгы Наил Шаһиевне бүген җирләделәр дип яза Сhelny-biz.ru.
Наил Шаһиевка 69 яшь иде. Ул Азнакай районының Әсәй авылында туган. КИСИны «архитектура» белгечлеге буенча тәмамлаган.
Узган гасырның сиксәненче елларында Автокалага күченә. «Татаргражданпроект»ның Чаллы филиалында архитектор булып эшли. «Афарин» кооперативы белән җитәкчелек итә, «Стройпроект» һәм «Проектно-конструкторское управление» башлыгы була. Соңгы елларда Наил Шаһиев «Энергогражданпроект» оешмасын җитәкли, диелә хәбәрдә.