Татарстан Гидрометеоүзәге, аномаль эсселек көтелү сәбәпле, шторм кисәтүе игълан итте. Бу турыда «Татар-информ» яза.
Синоптиклар белешмәсе буенча, иртәгә көндез кайбер районнарда һава температурасы +34 градуска кадәр күтәреләчәк.
Татарстан халкына саклык чаралары күрергә киңәш ителә. Кояшта озак булмаска тырышыгыз, җиңелчә киенегез, суны күбрәк эчегез, эссе сәгатьләрдә физик активлыкны мөмкин кадәр киметегез, диелә хәбәрдә.