Татарстанда приюттан качкан 15 яшьлек Илназны эзлиләр
15 яшьлек баланы караклык өчен хөкем иткән булганнар.
Чаллыдагы «Асылташ» социаль приютында яшәүче 15 яшьлек Илназ Т. качкан. Бу турыда «Челнинские известия» сайты хәбәр итә.
Приют Чаллының Яңа шәһәрендәге 11нче комплекста урнашкан. 8 гыйнварда кичке алтыларда чыгып киткән Илназны полиция эзли.
Илназ Түбән Кама шәһәреннән килгән. Моңа кадәр аны караклык өчен хөкем иткән булганнар. Баланың анасы хокукларыннан мәхрүм ителгән.
Вакыйга турында полициягә «Асылташ» приюты хезмәткәре хәбәр иткән.
Яшүсмер турында мәгълүматны балигъ булмаганнар эшләре буенча инспекторга тапшырганнар, диелгән әлеге хәбәрдә.