ПВО чаралары Татарстан өстендә 1 пилотсыз очкычны бәреп төшергән. Бу хакта РФ Оборона министрлыгына сылтама белән РИА «Новости» хәбәр итә.
Билгеләп үтелгәнчә, ПВО көчләре барысы 22 Украина пилотсыз очкычын бәреп төшергән, шуларның 13е – Воронеж өлкәсендә, 4 – Белгород өлкәсендә, 3 – Саратов өлкәсендә, 1әр – Самарада һәм Татарстанда.
Элегрәк Татарстан территориясендә «беспилотниклар куркынычы» режимы гамәлгә кертелде. Казан һәм Түбән Кама аэропортларында вакытлыча чикләүләр кертелгән, дистәләгән рейслар тоткарлана.
