видеодан скриншот
Бүген Татарстанда көчле яңгырлар яуганнан соң, авыл һәм шәһәр урамнарын су баскан. Түбән Камада яшәүчеләр су баскан шәһәр урамнары төшерелгән кадрларны социаль челтәрләрдә таратты. Бу турыда «Челнинские известия» яза.
Тирән күлләвекләрдә машина номерлары югалган. Шәһәр халкы су ага торган җайланмалар эшләмәүгә зарлана.
Теләче районының Олы Нырсы авылында да табигый бәла-каза булган. Яңгыр сулары урамнарда юлына очраган бар әйберне агызып алып киткән.
