Шимбә көнне Татарстанның Лаеш районы Кече Кабан авылында 66 яшьлек ир-ат һәлак булган.
«Татар-информ»га Татарстан торак инспекциясе матбугат хезмәте хәбәр иткәнчә, Шоссейная урамындагы йорт хуҗасы газ казанын ремонтлаган, әмма газ казанына төтен чыгару торбасын урнаштырмаган. Белгечләр йортны газ белән тәэмин итүдән өзгән.
«Газ плитәләрен, казаннарны, су җылыткычларны үз белдегең белән ремонтлаганда һәм урнаштырганда ясалган экономия – бу закон бозу гына түгел. Гаилә әгъзаларының һәм әйләнә-тирәдәгеләрнең тормышына һәм иминлегенә, фатирларның һәм йортларның бөтенлегенә куркыныч яный», – дип өстәделәр Татарстан торак инспекциясе матбугат хезмәтендә.
