5 ноябрьдә Татарстанның Әлмәт районында авария булган. Бу хакта республиканың Дәүләт автомобиль инспекциясенә сылтама белән «Челнинские известия» газетасы яза.
Якынча мәгълүматлар буенча, Mercedes автомобиленең 48 яшьлек йөртүчесе имин тизлек сайламый, каршы як полосага чыга һәм шунда УАЗ, Volkswagen һәм Chevrolet машиналары белән бәрелешә.
Авариядә Chevrolet автомобилендәге 46 яшьлек пассажир хатын-кыз һәлак булган.
Фаҗига сәбәпләрен Дәүләт автомобиль инспекциясе хезмәткәрләре ачыклый.
Соңрак «Татар-информ» сайтында әлеге фаҗига мизгеле төшерелгән видео чыкты.
