Татарстан Балалар республика клиник хастаханәсенә нәни баланы алып килгәннәр. Аның борынын эт тешләгән һәм бер кырыен өзеп алган. Бу турыда «Татарстан 24» каналы хәбәр итте.
«Бала этне сыйпарга тели. Эт аның борын очын тешләп ала», – дип сөйләгәннәр хастаханәдә.
Балага котыру чиреннән укол ясаганнар. Аннары операция ясарга керешкәннәр. Табиблар баланың борынына пластика эшли. Моның өчен алар баланың колак артындагы өлешеннән тире алып, борынга куя.
Хәзер баланың борынында җөй калмасын өчен физиотерапия, массаж таләп ителә, диелә хәбәрдә.
